http://www.visir.is
Þýsku ferðamannanna enn leitað
Lögregla lýsir enn eftir tveimur þýskum ferðamönnum sem leitað hefur verið að frá því fyrir helgi. Samkvæmt ferðaáætlun mannanna ætluðu þeir að leggja af stað frá Reykjavík 29 eða 30 júlí síðastliðinn. Ferðinni var heitið að nágrenni Vatnajökuls þar sem þeir ætluðu að ferðast um Skaftafell, Langasjó, Lónsöræfi eða svæðið norðaustan jökulsins.
Mennirnir heita Matthias Hinz og Thomas Grundt
Mattías er 29 ára og um 175 centimetrar á hæð. Hann er grannvaxinn en sterkbyggður, skolhærður, líklega krúnurakaður og með há kollvik. Hann var að öllum líkindum klæddur í appelsínugulan jakka með rauðum öxlum og svartar og gráar buxur.
Thomas er 24 ára og 185-188 cm á hæð. Hann er mjög grannvaxinn, ljóshærðum með gleraugu. Líklega klæddur í blárauðan eða skærgrænan jakka og svartar buxur.
Þeir er hafa verið staddir í nágrenni Vatnajökuls á þessu tímabili og hafa orðið varir við þá mennina eru beðnir að hafa samband við Lögreglu Höfuðborgarsvæðisins í síma 444 1000
